農曆新年假期就到嘞！家長們預備好未？提醒小朋友咪係假期完結前一日先做作業？醒你假期作業小貼士，提高效率之餘又可以訓練孩子自主學習能力。假期作業都可以「打機」咁做？
道理很簡單，幼稚園的家長，別錯過呢個黃金教育期，以前係班房嘅日子，我總係會同小朋友演說做功課係「變叻遊戲」，邊過想自己啲叻星星多啲？大部分小朋友都會踴躍舉手，作為老師的我當然繪形繪聲演繹學寫字就如打機過關一樣，唔係咁容易，但只要花啲心機試多幾次就會過關（寫到一個新學嘅字），小朋友會聽得好投入，成班氣氛都充斥住正能量。
講真，幼稚園嘅假期作業好有遊戲性，家長可以試下同小朋友以遊戲或打機嘅概念，幫助小朋友明白做功課最終得益人都係佢自己，每完成兩頁作業，又學多咗嘢，遇到困難仲可以問「大佬」，家長就係「大佬」。唔好睇小呢隻整色整水嘅方法，小朋友都好喜歡遊戲感。
按小朋友能力計劃每天需要完成嘅頁數、時間、完成目標進度表。切萬錯過孩子黃金教育期及長假期嘅「追番上嚟」作用，新一年，比個目標，加添正能量！加油！
#假期作業 #小貼士 #fritzs #幼稚園 #遊戲學習 #農曆新年