STEM教學法成為教育界近十年嚟不可或缺嘅元素，幼稚園亦積極設計更多同STEM相關嘅課堂畀幼兒參與，而校內評估亦逐漸注重孩子嘅探索、觀察能力。 作為家長，可以點樣幫助孩子建立對自然科學嘅興趣，培養解決問題同邏輯思考，喺STEM課堂發揮所長呢？
開啟自然探索之門
自然科學探索係幫助孩子認知發展重要嘅一環。透過觀察、提問同實驗，孩子能夠培養出批判性思維同邏輯思考嘅能力。佢哋學會觀察細節、提出假設並進行驗證，呢啲都係培養解決問題技能嘅關鍵步驟。此外，進行自然探索時會運用到一些科技產品，孩子能夠體驗到科學實踐嘅樂趣同挑戰，同時培養對事物求知、求真嘅態度。
與孩子一同觀察大自然
孩子天生具有好奇心，佢哋對周圍嘅世界充滿咗探索嘅欲望，家長只要多加引導，相信可激發佢哋進一步探索科學領域嘅動機。以下有一啲建議同互動活動，可以幫助家長支持孩子嘅科學學習：
- 鼓勵孩子提出問題
激發孩子嘅好奇心，鼓勵佢哋觀察並提出問題。例如，家長可以詢問孩子點解樹葉係綠色嘅、雀仔點解會喺特定嘅季節遷徙、猜測昆蟲點解會喺特定嘅地方出現。透過呢啲嘅觀察和發現，孩子能夠培養出對生態系統同自然界嘅尊重和關懷。
- 建立觀察日誌
幫助孩子建立觀察日誌，用繪圖、拍照或錄音方式記錄佢哋觀察到嘅事物同疑問。咁樣可以幫助佢哋整理思緒，並提供佢哋回顧同深入探索嘅機會。
- 組織戶外探險
家長可帶孩子到戶外進行探險，探索時可以使用一啲工具來觀察周圍嘅環境，鼓勵佢哋觀察唔同嘅植物、昆蟲同鳥類，並討論動植物嘅特徵同行為，孩子更投入自然學習之中。其中一個值得推薦嘅教具係Fritzs「收音望遠鏡」，呢個係一款專為孩子設計嘅望遠鏡，佢可以吸引孩子喺野外觀察並且發現新事物。呢款望遠鏡具有3倍嘅放大功能，等孩子能夠觀察更遠嘅景象；望遠鏡同時亦配備咗收音功能，可以用嚟尋找雀仔嘅蹤跡。教具設計能夠培養孩子嘅觀察能力，並且進一步探索大自然嘅奧秘，係一款畀孩子第一次接觸自然科學嘅有效工具。
- 與孩子一同探索答案
當孩子提出問題時，建議家長一起陪同佢哋研究同尋找答案。例如，可以帶孩子參觀科學館，參與有趣嘅科學實驗，或者閱讀有關自然科學嘅書籍。呢啲活動既能夠豐富孩子嘅科學知識，擴展佢哋嘅視野，又可激發佢哋對自然科學嘅好奇心。同時，家長嘅參與同陪伴亦係非常重要㗎，同孩子一齊參與科學探索活動，良好學習氛圍會自然建立，可以更好咁促進孩子嘅學習同成長。
瀏覽探索自然收音望遠鏡|STEM自然科學教具的詳細資料：
#fritzslearning #學習興趣 #育兒 #parenting #培養興趣 #教具