作為一位幼師媽媽角度，學校當然會比屋企訓練小朋自理能力更好，例如：自己放書包、自己著外套、鞋襪、自己食飯等……戒片方面都會幫到手，老師都會因應小朋友嘅發展情況續步幫助家長協助小朋友成功戒片。
同時，可以幫助小朋友發展獨立能力，全日制N班仲有午睡環節，一般會瞓兩個鐘左右。午睡對較缺乏安全感嘅幼兒係一大挑戰，老師通常會播放柔和音樂同埋坐喺佢地身邊陪伴入睡，大多數幼兒漸漸會適應到。但都試過有細B試左半年都唔肯喺學校訓覺，見到張床就喊，最終家長唔忍心就將小朋友轉讀半日班。
咁你地又估下我家女兒有冇讀N班呢?答案係無。我選擇咗報讀playgroup, 因為我嘅寶寶係早產嬰，抵抗力較弱，比較容易病。而N班一班起碼有十幾二十人，再加上小朋友較缺乏衛生意識，的確會易啲傳染病菌。再加上playgroup時間比較彈性，可以揀一星期返2至3日。
報讀N班要注意事項
如父母是雙職家庭，又沒有人幫手湊小朋友，讀N班未嘗是一個好選擇。
爸媽可於每年4月開始，從不同途徑(如學校網頁、朋友口碑、媽媽谷、參觀學校的開放日及簡介會……)搜羅不同學校的資料，如學校的辦學理念及方向、宗教背景、師資、教學環境和教學目標等，也要考慮其他因素，包括學校的地理位置、兒童的個性和學習需求、家長對學校的期望等，以確保孩子能夠在良好的教育環境中健康成長。
大部份N班都會在每年8月至翌年1月期間招生，而一般來說10月至11月是招生高峰期，家長可從學校網頁密切留意心儀學校確實的招生日期。
N班面試技巧及常見的問題
每間學校的N班面試形式和時間都不相同，大多數會在每年10月至翌年3月。由於面試時小朋友只有一歲幾，大多數是透過觀察幼兒玩玩具、老師從旁觀察及引導。
例如從遊戲中分辨物件的顏色、形狀及動物等; 指出眼耳口鼻的位置; 聽指令把物品放在適當的位置等。
問答的部份多數是由家長作答。
以下是常見的問題:
為什麼會選擇報讀本校？家長了解學校的教學理念嗎？
對學校有什麼期望和要求？
小朋友平日由誰照顧？
小朋友平日喜歡做什麼?有什麼興趣和嗜好？
假日時，會和孩子一起做什麼？
其實，父母考慮子女讀唔讀N班呢個問題，應該以小朋友嘅角度出發，觀察孩子嘅個別發展、個性同需要，揀最合適嘅佢哋嘅選擇！