小朋友「詞窮」同語言發展遲緩有咩關係？點為之語言發展遲緩？家長分享點樣係煮飯仔遊戲中「言語大爆發」🤯？
茄子媽媽分享佢N班囝囝（語言遲緩邊界個案），就算屋企有兩個讀緊小學嘅家姐，但囝囝都似乎仲係講緊BB話，發音唔清楚。母嬰院準備安排佢進一步跟進，點知！有日亞囝喺屋企同6歲表哥玩緊煮飯仔，比表哥搶咗隻紫色茄瓜（紫色茄瓜係佢廚房至愛），表哥唔知仲做咗啲咩激到亞囝好嬲。佢竟然指住表哥好激動咁想「鬧人」，因為佢詞窮，佢竟然指住表哥好激動咁講：「APT！APT！APT！」喂！OK播！小朋友真係創意無限♾️，可以追上韓流以韓文抒發不滿情緒。唔知點解，佢之後突然講多咗好多句子，呢啲係咪「開竅」！茄子媽媽話要多謝表哥同紫色茄瓜！
其實語言遲緩只係比一般指標慢咗，未必係語言發展有問題。早啲跟進就可以追返條平均線，又或者好似茄子囝囝咁突然「開竅」！唔使太早過分擔憂，就以上例子，完美示範了遊戲互動在語言發展中的重要性。語言發展遲緩往往只是一個暫時性的發展差異，而非永久性的問題。根據研究顯示，透過適當的介入和豐富的互動環境，約80%的語言發展遲緩兒童能夠順利趕上同齡水平。建議家長們：
建議多啲俾小朋友從遊戲中模仿學習，同大啲嘅小朋友一齊玩下煮飯仔遊戲，打發時間之餘又可以積累詞彙！
為協助家長更好地觀察孩子的語言發展狀況，以下是衛生署家庭健康服務提供的專業評估指標：
**孩子已上幼兒班（約三至四歲）一段時間，**須特別留意的情況：
- 不懂辨認大部分常見物件/圖片的名稱
- 對簡單的指示未能跟從，例如「將車放入玩具箱度」
- 未能正確地回應「有/沒有」的提問
- 不會用短句來溝通，例如「波波跌咗」、「妹妹食餅」
- 未能正確運用「你」、「我」等代名詞，例如「我食餅」或「你俾妹妹」
- 不懂跟著唱兒歌
- 說話發音不清晰，別人難以明白
更多資訊可到衛生署家庭健康服務