小朋友即將進入幼稚園，除左英文，相信數學亦係另一個面試難題。家長們為咗教抽象嘅數學感到困惑呢？喺面試過程中，就有機會考到數字認知、顏色配對、數數、排序等。若果小朋友對數字唔太敏感，就需要諗辨法加強一下呢方面能力。小朋友對數學嘅印象，多少都會取決於家長嘅教學方式，其實學數學同玩遊戲都幾相似，從初階到進階會遇到唔少挑戰。如果過程中孩子身邊有家長一齊應對，助佢哋一臂之力，定會成為一個數學小高手。
運用顏色 / 圖案配對加深學習印象
抽象嘅數學容易令人無從入手，除左傳統嘅數手指、死記之外，更可以透過互動遊戲向孩子灌輸數字之間嘅關係，邊玩邊認識1-10嘅關係。當中更可運用其他原素例如『顏色』或『圖案』吸引小朋友，減低佢地對數字嘅抗拒。一件色彩繽紛而實用性高嘅牛牛造型教具，就會幾幫到手。先從顏色配對開始接觸數學，再由數1-10變成數牛仔、同時數圖案學數數。爸爸媽媽將牛牛逐隻拎出嚟嘅時候，已經可以請小朋友跟著一齊由1 開始慢慢數數，又可以按次序咁排列牛牛，一邊排一邊數數，有助孩子理解數字同數量之間嘅關係，同時培養佢哋嘅計算能力。
動手動腦組裝提高數算技巧
同小朋友練習果陣玩個小遊戲，父母先將牛牛拆開，再同佢哋一齊將牛牛重新『合體』，例如：『BB，不如我地分工合作，先搵1-5號牛牛出黎，媽媽負責搵牛仔頭，你就幫手搵牛仔嘅尾巴，搵到之後一齊將佢哋拚翻埋，再帶佢吔番屋企』。過程中，唔單止要配對相同嘅顏色、同時要配對正確數字同相應嘅圖案數量。家長不妨多d引導一下小朋友去思考，例如問下佢哋：「哩幾隻牛牛，佢地頭尾兩邊嘅顏色一唔一樣呢？」、「等我哋一齊數數牛仔尾有幾多個圖案？1…2…3…4…無錯就係5啦，牛仔頭上嘅數字係咪都係5呢？如果係嘅我哋一齊將佢哋拼番埋好嗎？」最後重可以請小朋友幫手將牛仔依次序1-10放入收納袋，養成收拾嘅好習慣。當中拆裝拼插嘅動作鍛鍊到佢地手仔力量，而將牛牛『合體』嘅對、插動作重可以訓練埋佢哋嘅精細動作能力，提高埋手眼協調度。
面試前準備
喺面試之前，除咗用教具進行數學練習，家長都應該俾孩子足夠嘅鼓勵同支持，小朋友建立信心同鞏固嘅數學概念同樣重要。家長可以同孩子一齊諗一齊玩、從小學習解決問題，亦要俾孩子足夠嘅時間同空間，自然能夠輕鬆咁將數字與相應嘅顏色進行配對。透過呢種視覺化、手腦並用嘅學習方式，讓佢地以自己嘅步調進行學習，一步一步成為一個數學小高手。